Маркази Гуманитарии муосир
ба номи У. ШЕКСПИРА

Ташкилоти ҷамъиятии «Маркази гуманитарии муосир» ба номи У.Шекспир (Маркази таълимии «Драйвер») моҳи октябри соли 2006 дар шаҳри Хуҷанд таъсис ёфтааст.

Муассис ва Директори Марказ Ӯрунова Ҳамида Умарбоевна, номзади илмҳои педагогӣ, доктори илмҳои ҷомеашиносӣ мебошад. Муассиси Марказ Ҷумаев Диловар Умарбоевич, омӯзгори калони забони англисӣ мебошад.

Ҳадафи аслии таъсиси Марказ таълими забонҳои хориҷӣ, аз қабили англисӣ, русӣ ва олмонӣ ва ҳамчунин таълими фанҳои гуманитарӣ, аз қабили курсҳои фалсафа, равоншиносӣ, инсоншиносӣ ва ҷомеашиносӣ бо забони англисӣ мебошад.

Дар тӯли солҳои фаъолияташ Марказ беш аз 2000 нафар хатмкардагон дорад, ки аксари онҳо дар кишварҳои хориҷӣ, аз қабили ИМА, Канада, Британияи Кабир, Чин, Русия, Туркия ва ғайра таҳсил намудаанд ва меомӯзанд.

Ташаккули шахсияти муосир, интеллигент, инсонпарвари дорои ҷаҳони маънавии ғанӣ, тарбияи шахсияти барҷаста инкишофёбанда, аз фарҳангу анъанаҳои худ, инчунин, аз тамоюлҳои ҷаҳонии рушди фарҳанг бохабар буда, самти асосии фаъолияти Марказ мебошад. Ин раванди ташаккули шахсият дар Марказ дар баробари раванди омӯзиши забонҳои хориҷӣ сурат мегирад, ки аз зарурати донистани забонҳои хориҷӣ барои шахси муосир шаҳодат медиҳад. Бесабаб нест, ки он «Маркази гуманитарии муосир» ба номи У.Шекспирро гирифтааст.

Хусусиятҳои Марказ

  • Фаъолияти бомуваффақият дар шаҳри Хуҷанд аз соли 2006;
  • Таълим бо истифода аз усулҳои интерактивии таълим;
  • Омӯзиш бо усули «Равиши ба талаба нигаронидашуда»;;
  • Рушди тафаккури таҳлилӣ ва интиқодии донишҷӯён дар раванди баҳс;
  • Тарбияи муносибати таҳаммулпазирӣ ва инсондӯстона нисбат ба кормандон;
  • Татбиқи системаи аврупоии баҳодиҳии сатҳи дониш тибқи стандарти CEFR;
  • Мунтазам навсозии маводи таълимӣ ва мутобиқсозии он ба стандартҳои байналмилалӣ;
  • (мунтазам) такмили ихтисоси кормандони марказ тавассути ҷалби мутахассисони хориҷӣ;
  • Ташкил ва гузаронидани тренингҳо барои омӯзгорон (МТ) аз фанҳои гуманитарӣ;
  • Ҷалби мутахассисон – филологҳо, ҷомеашиносон, методологҳо аз Олмон дар доираи барномаи SES оид ба назорати сифат;
  • Системаи имтиҳони компютерии ҳармоҳа аз тамоми фанҳо;
  • Таъмини имтиёзҳо ба донишҷӯёни ятим ва донишҷӯён аз оилаҳои камбизоат;
  • Таъмини имконият барои донишҷӯён барои гирифтани стипендияи семарҳилаи Директори Марказ ва ғайра.